स्वास्थ्य मन्त्री यादव अमेरिका जाँदै

काठमाडौं । उपप्रधान एवम् स्वास्थ्य तथा जनसंख्यामन्त्री उपेन्द्र यादव अमेरिका भ्रमणमा जाने भएका छन् ।

मन्त्री यादव जनसंख्या सम्बन्धी सम्मेलनमा सहभागी हुन त्यसतर्र्फ प्रस्थान गर्न लागेका हुन् ।

उनी जनसंख्या विकास सम्बन्धी ३० औं अन्तर्राष्ट्रिय सम्मेलनमा सहभागी हुन यही २७ अप्रिलमा त्यसतर्फ जान लागेका हुन् ।

मन्त्री यादवको नेतृत्वमा स्वास्थ्य तथा जनसंख्या मन्त्रालय समन्वय महाशाखा प्रमुख डा. चुमनलाल दास, जनसंख्या महाशाखा प्रमुख विनोदबहादुर कुँवर, मन्त्री यादवका स्वकीय सचिव भवनाथ खतिवडा र परराष्ट्र मन्त्रालयका सह–सचिव रहनेछन् ।