श्रम तथा उपभोक्ता हित समितिको बैठक आह्वान
तु खबर संवाददाता२०८१ बैशाख १३,बिहीबार ०९:५०
काठमाडौं । आज उद्योग तथा वाणिज्य र श्रम तथा उपभोक्ता हित समितिको बैठक आह्वान गरिएको छ ।
बैठक बिहान ११ बजे सिंहदरबारस्थित समितिको सभा कक्षमा बस्ने गरी बोलाइएको हो ।
सो बैठकमा श्रम, रोजगार तथा सामाजिक सुरक्षा मन्त्रालयका लागि चालु आ.व.मा विनियोजित बजेट तथा कार्यक्रमको हालसम्मको प्रगति र कार्यान्वयनको अवस्थाको बारेमा छलफल हुनेछ ।
साथै मन्त्रालयबाट भए गरेका कामकारबाहीका बारेमा श्रम मन्त्री डोलप्रसाद अर्यालबाट जानकारी लिने कार्यसूची रहेको छ ।