युवा संघ गढीको आयोजनामा प्रशिक्षण कार्यक्रम
तु खबर संवाददाता
मकवानपुर । राष्ट्रिय युवा संघ नेपाल मकवानपुरगढी गाउँपालिका कमिटीले प्रशिक्षण कार्यक्रमको आयोजना गरेको छ । युवा संघ मकवानपुरगढीले शनिबार उक्त प्रशिक्षण कार्यक्रमको आयोजना गरेको हो ।
कार्यक्रम युवा संघ मकवानपुरगढीका अध्यक्ष बिष्णु प्र. सिलवालको अध्यक्षतामा एवम् युवा संघका लेखा आयोग प्रमुख सन्तोष चौलागाईँको प्रमुख आतिथ्यतामा सम्पन्न भएको हो ।
कार्यक्रममा युवा संघ लेखा आयोग प्रमुख चौलागाईंले जनताको बहुदलीय जनवाद (जबज) र समाजवादको विषयमा प्रशिक्षण दिएका थिए ।
यसैगरी, पार्टीको अभियान मिसन ८४ र समसामयीक राजनीतिक परिवेशको विषयमा नेकपा एमाले जिल्ला सचिवालय सदस्य मदन दाहाल, नेकपा एमाले जिल्ला सदस्य एवं जनसंगठन समन्वय संयन्त्र उप प्रमुख आरती पाठकले जनवर्गीय जनसंगठन र पार्टीबीचको अन्तरसम्बन्धको विषयमा सहभागीलाई प्रशिक्षण दिएका थिए ।
यस्तै, युवा संघ जिल्ला संयोजक राजेश नगरकोटीले राष्ट्रिय युवा संघ नेपालको इतिहास र कार्यदिशाको विषयमा प्रशिक्षण दिएका थिए ।
प्रशिक्षण कार्यक्रममा युवा संघमा आवद्ध मकवानपुरगढीका युवाको सहभागीता रहेको थियो ।
कार्यक्रममा नेकपा एमाले मकवानपुरगढीका सचिव नानिराम तिमल्सिना, नेपाल राष्ट्रिय उधोग व्यवसाय महासंघ सदस्य कृष्ण ढुंगानालगायतको सहभागिता रहेका थियो ।