बझाङ प्रदेश सभा–१ मा एमालेका भण्डारी निर्वाचित

काठमाडौं । बझाङ प्रदेश सभा–१ मा नेकपा एमालेका उम्मेदवार दमनबहादुर भण्डारी निर्वाचित भएका छन् ।

सोमबार सम्पन्न मतगणना अनुसार, उनी प्रदेश सभा सदस्यमा निर्वाचित भएका हुन् । उनी ११ हजार ६१३ मतसहित प्रदेश सभा सदस्यमा निर्वाचित भएका हुन् ।

यसैगरी, उनका निकटम प्रतिस्पर्धी नेपाली कांग्रेसका अभिषेक सिंहले ११ हजार ३४६ मत प्राप्त गरी पराजित भए ।

बझाङ प्रदेश सभा १ मा आइतबार मध्यान्हदेखि मतगणना सुरु भएको थियो ।

यसअघि कांग्रेसले जितेको उक्त निर्वाचन क्षेत्रमा उपनिर्वाचनमा भने एमालेका उम्मेदवारले जितेको हो ।

२०७९ सालमा भएको निर्वाचनमा कांग्रेसका विजयी पृथ्वीबहादुर सिंह विजयी भएका थिए । उनको सवारी दुर्घटनामा परेर मृत्यु भएको थियो ।