इलाम–२ मा एमालेका उम्मेदवार सुहाङ नेम्वाङ निर्वाचित

काठमाडौं । प्रतिनिधि सभा सदस्यका लागि इलाम क्षेत्र नम्बर २ मा भएको उपनिर्वाचनमा नेकपा एमालेका उम्मेदवार सुहाङ नेम्वाङ निर्वाचित भएका छन् ।

निकटतम प्रतिस्पर्धी नेपाली कांग्रेसका उम्मेदवार डम्बर खड्कालाई ५ हजार ८३० मत अन्तरले पराजित गर्दै सुहाङ निर्वाचित भएका हुन् ।

सुहाङले २७ हजार ७७२ मत प्राप्त गर्दा खड्काले २१ हजार ९४२ मत प्राप्त गरेका थिए ।

यसैगरी, स्वतन्त्र उम्मेदवार डकेन्द्रसिंह थेगिमले ११ हजार ४५७ मत, नेकपा माओवादी केन्द्र त्यागेर राष्ट्रिय स्वतन्त्र पार्टीबाट उम्मेदवार बनेका मिलन लिम्बुले ५ हजार ५० मत पाए ।