गर्मीका कारण हेटौंडा–१४ मा चार दिन विद्यालय बन्द हुने

मकवानपुर । अत्याधिक गर्मीका कारण हेटौंडा उपमहानगरपालिका वडा नम्वर १४ मा रहेका सामूदायिक तथा संंस्थागत विद्यालय चार दिन बन्द हुने भएको छ ।

अत्याधिक गर्मी बढेपछि हेटौंडा–१४ नम्वर वडा कार्यालयले एक सूचना जारी गर्दै वडाभित्र रहेका सामुदायिक तथा संस्थागत विद्यालय वैशाख २३ गतेबाट चार दिन बन्द हुने जानकारी गराएको हो ।

जारी सूचनामा वैशाख २० गते बसेको वडा शिक्षा समितिको बैठकको निर्णय अनुसार, चार दिन विद्यालय बन्द गर्ने निर्णय गरेको उल्लेख छ ।

अत्याधिक गर्मी र चर्को घामका कारणले गर्दा विद्यार्थीहरुलाई विद्यालय आवत जावत गर्न र कक्षाकोठामा बसेर अध्ययन गर्न कठिनाइ भएकोले उक्त निर्णय गरेको जनाइएको छ ।