बञ्चरो प्रहारबाट २ जनाको हत्या

दाङ । दाङमा शनिबार बञ्चरो प्रहारबाट दुई जनाको हत्या भएको छ ।

जिल्लाको घोराही उपमहानगरपालिका –१० पहेलपारमा स्थानीय ५० वर्षीया जुपली बुढा र सुर्खेत वीरेन्द्रनगर नगरपालिका–२ घर भएकी ४४ वर्षीया संगीता सुनारको हत्या भएको प्रहरीले जनाएको छ ।

प्रहरीले हत्या गरेको आरोपमा एक जनालाई पक्राउ गरेको छ । पक्राउ पर्नेमा रोल्पाको थवाङ गाउँपालिका–२ घर भई घोराही उपमहानगरपालिका–१७ चौघेरामा बसोबास गर्दै आएका ५७ वर्षीय अटो चालक टेकबहादुर घर्ती रहेका छन् ।

प्रहरीले घटनास्थलको प्रकृति मुचुल्का लगाएर अनुसन्धान जारी राखेको छ । सो घटनाबारे प्रहरीले आवश्यक अनुसन्धान गरिरहेको छ ।