आज राष्ट्रिय सभाको बैठक पनि बस्ने

काठमाडौं । संघीय संसद् अन्तर्गत आज राष्ट्रिय सभाको बैठक पनि बस्दैछ । राष्ट्रिय सभा बैठक दिउँसो १ः१५ बजे संघीय संसद् भवनमा बस्ने गरी बोलाइएको हो ।

बैठकमा राष्ट्रपतिबाट भएको संशोधनको प्रति टेबुल गर्ने, प्रधानमन्त्री तथा मन्त्रिपरिषद्को कार्यालयबाट प्राप्त पत्रबारे जानकारी गराउने, राष्ट्रपतिको सम्बोधनका लागि ‘धन्यवाद प्रस्ताव’ प्रस्तुत गर्ने कार्यसूची रहेको संसद् सचिवालयले जनाएको छ ।

यस्तै, बैठकमा सञ्चारमन्त्रीले मिडिया काउन्सिल विधेयक पेस गर्ने लगायत ६ कार्य बुँदामा सूची उल्लेख गरिएको छ ।

आज संघीय संसदको प्रतिनिनिध सभा पनि आह्वान गरिएको छ । प्रतिनिधि सभा बैठक बिहान ११ बजे बस्ने गरी आह्वान गरिएको हो ।