अखिल क्रान्त्रिकारी हेटौंडा क्याम्पस अध्यक्षमा प्रमिला सिन्तान
तु खबर संवाददाता
मकवानपुर । अखिल नेपाल रास्ट्रिय स्वतन्त्र विद्यार्थी युनियन (क्रान्त्रिकारी) हेटौंडा क्याम्पसको अध्यक्षमा प्रमिला सिन्तान चयन भएकी छन् । कमिटीको सोमबार सम्पन्न पाँचौं सम्मेलनबाट सिन्तानको अध्यक्षतामा नयाँ कमिटी गठन गरिएको हो ।
यस्तै, कमिटीको उपाध्यक्षहरुमा क्रमशः राज रसाइली र आर्जु राई, सचिवमा ईश्वर ढुंगेल, सहसचिवमा खुसी पौडेल, कोषाध्यक्षमा निश्चला सिलवाल चयन भएका छन् ।
यसैगरी, सदस्यहरुमा सलोनी थापा क्षेत्री, रोजी थापा मगर, साजन भण्डारी, खुस नन्दन चौधरी लगायत चयन भएका छन् ।
सम्मेलन क्याम्पस इकाई कमिटीका अध्यक्ष निश्चल रसाईलीको अध्यक्षता तथा नेकपा माओवादी केन्द्रका केन्द्रीय सदस्य एवम् मकवानपुर इञ्चार्ज बिजय गौतमको प्रमुख आतिथतामा सम्पन्न भएको हो ।
सम्मेलनमा प्रमुख अतिथि गौतमले विद्यार्थीहरुले अध्ययनसँगै हाल विकसित सूचना प्रविधिलाई उपयोग गरी आफ्नो क्षमतालाई विकास गर्नुपर्ने बताए ।
सम्मेलनमा नेकपा माओवादी केन्द्रका बागमती प्रदेश कमिटी सचिवालय सदस्य ललित घलान, मकवानपुर जिल्ला संयोजक भीम पाख्रिन, सचिव बीरबहादुर घलान (ज्वाला), हेटौडा क्याम्पसका क्याम्पस प्रमुख देबिराम लामा, प्रेस सेन्टर नेपालका केन्द्रीय सदस्य एवम् मकवानपुर ईञ्चार्ज ध्रुवराज ढकाल, अखिल नेपाल रास्ट्रिय स्वतन्त्र विद्यार्थी युनियन (क्रान्त्रिकारी)का केन्द्रीय सचिव दिनेश सुवेदी, बागमती प्रदेश कमिटी सचिव रामकृष्ण सिवाकोटी, मकवानपुर बहुमुखी क्याम्पस स्वतन्त्र बिद्यार्थी युनियन सभापति छोर्ईसाङ लामा, लगायतको आतिथ्यता रहेको थियो ।