लोसपाको महासचिवमा यादव मनोनीत

काठमाडौं । लोकतान्त्रिक समाजवादी पार्टी (लोसपा) नेपालको महासचिवमा शीतल प्रसाद यादव मनोनीत भएका छन् ।

पार्टीका अध्यक्ष महन्थ ठाकुरले पार्टीको संशोधित अन्तरिम विधान अनुसार, केन्द्रीय सदस्य यादवलाई महासचिव पदमा मनोनीत गरेका हुन् ।

लोसपा नेपालले महाधिवेशन लक्षित सदस्यता वितरण अभियान सुरु गरेको छ । जसअनुसार सिरहामा अगामी शनिबार सदस्यता वितरण कार्यक्रम हुने तय गरिएको छ ।

सोही कार्यक्रम अघि पार्टीले सिराहाका यादवलाई महासचिवमा मनोनीत गरेको एक नेताले जानकारी दिए ।