भारतीय कार दुर्घटना हुँदा पाँच जना घाइते

तनहुँ । तनहुँमा आबुखैरेनी गाएँपालिका–१ सत्रसय स्थित पृथ्वी राजमार्ग खण्डमा भारतीय कार दुर्घटना हुँदा पाँच जना घाइते भएका छन् ।

जिल्लाको डुम्रेतर्फ आउँदै गरेको बीआर ०६ डीएच ८२८१ नम्बरको कार दुर्घटना हुँदा चालकसहित पाँच जना घाइते भएको प्रहरीले जनाएको छ ।

घाइते हुनेहरूमा भारतको बिहार मजसापुर बस्ने २३ वर्षीय सचेन्द्रकुमार, २३ वर्षीय आनन्द कुमार, ३० वर्षीय राजेश कुमार, २५ वर्षीय सुमित कुमार र २४ वर्षीय राज कुमार रहेका छन् ।

घाइतेमध्ये राज कुमार उपचारपछि डिस्चार्ज भएका छन् भने अन्य घाइतेहरूको आबुखैरेनी अस्पताल र पुरानो मेडिकल कलेज भरतपुरमा उपचार भइरहेको छ ।

प्रहरीका अनुसार, कार अनियन्त्रित भई सडकबाट करिब २० मिटर तल खस्न पुगेको थियो ।