‘गणतन्त्र दिवसले राष्ट्र निर्माणको महाअभियानमा लामबद्द हुन अभिप्रेरित गरोस्’

मकवानपुर । बागमती प्रदेश प्रमुख यादवचन्द्र शर्माले गणतन्त्र दिवसले राष्ट्र निर्माणको महाअभियानमा लामबद्द हुन हामी सबैलाई अभिप्रेरित गरोस् भनि शुभकामना व्यक्त गरेका छन् ।

प्रदेश प्रमुख शर्माले संवैधानिक रुपमा पाएका हक–अधिकारहरुको प्रभावकारी कार्यान्वयन गर्दै राष्ट्र निर्माणको महाअभियानमा लामबद्द हुन उक्त दिवसले सबैलाई अभिप्रेरित गरोस् भनि शुभकामना दिएका हुन् ।

प्रदेश प्रदेश शर्माले आज आज मनाइँदै गरिएको १७ औं गणतन्त्र दिवसका अवसरमा एक सन्देश जारी गर्दै स्वदेश तथा विदेशमा रहनुभएका सम्पूर्ण नेपाली दाजुभाई एवम् दिदीबहिनीहरुमा हार्दिक बधाई तथा शुभकामना व्यक्त गरेका छन् ।

साथै, प्रदेश प्रमुख शर्माले गणतन्त्र स्थापनाका लागि विभिन्न कालखण्डमा भएका आन्दोलनहरुमा आफ्नो अमूल्य जीवन उत्सर्ग गर्ने सम्पूर्ण ज्ञात, अज्ञात अमर शहीदहरूप्रति भावपूर्ण श्रद्दाञ्जली अर्पण गर्दै बेपत्ता, घाइते तथा अपाङ्ग योद्धाहरुमा उच्च सम्मान प्रकट गरे ।

नेपाली जनताका प्रतिनिधिमार्फत् २०६५, जेठ १५ गते संविधान सभाको पहिलो बैठकबाट हाम्रो देश नेपाल संघीय लोकतान्त्रिक गणतान्त्रिक मुलुक घोषित भएको स्मरण गर्दै यो ऐतिहासिक दिनको सम्झनालाई चिरस्थायी बनाउन हरेक वर्ष आजका दिन गणतन्त्र दिवस मनाउने गरेको उल्लेख गरे ।