बिहानै जिप दुर्घटना हुँदा चार जनाको मृत्यु

सुर्खेत । सुर्खेत–दैलेख सडकखण्ड अन्तर्गत वीरेन्द्रनगरस्थित रातानाङ्गला नजिकै आज बिहीबार बिहानै जिप दुर्घटना हुँदा चार जनाको मृत्यु भएको छ ।

सुर्खेतबाट कालिकोट जाँदै गरेको भे १ च २५६० नम्बरको बोलेरो जिप दुर्घटना हुँदा उनीहरुको मृत्यु भएको जिल्ला ट्राफिक कार्यालय सुर्खेतले जनाएको छ ।

प्रहरीका अनुसार, सडकबाट ३ सय मिटर तल खसेको सो जिपमा ८ जना सवार रहेको अनुमान गरिएको छ ।

उक्त घटनाको बारेमा आवश्यक अनुसन्धान भइरहेको छ ।