कर्णाली नदीमा डुबेर एक पुरुष बेपत्ता
तु खबर संवाददाता२०८१ जेष्ठ २४,बिहीबार १०:०३
धनगढी । कर्णाली नदीमा डुबेर बुधबार साँझ एक पुरुष बेपत्ता भएका छन् ।
मोहन्याल गाउँपालिका–४ स्थित कर्णाली नदीमा नुहाउने क्रममा एक पुरुष बेपत्ता भएका हुन् ।
बेपत्ता हुनेमा प्युठानको स्वर्गद्वारी नगरपालिका–१ जिमरी घर भएका ४१ वर्षीय धनबहादुर पुन रहेको प्रहरीले जनाएको छ ।
प्रहरीका अनुसार, पुन मोहन्याल सामुदायिक वनमा खोटो निकाल्ने काम गर्दै आएका थिए । बुधबार उनी कर्णाली नदीमा नुहाउने पुगेका थिए । तर, नुहाउने क्रममा डुबेर बेपत्ता भएका हुन् ।
अहिले इलाका प्रहरी कार्यालय पण्डौनको टोलीले उनको खोजीकार्य जारी राखेको छ ।