वक्तृत्वकला प्रतियोगिता रोशनी बर्तौला प्रथम

मकवानपुर । मकवानपुरको मनहरी–४ मसिनेस्थित पशुपतिनाथ माध्यमिक विद्यालयले आयोजना गरेको वक्तृत्वकला प्रतियोगिता रोशनी बर्तौला प्रथम भएकी छन् ।

विश्व वातावरण दिवसको अवसरमा आयोजित उक्त प्रतियोगितामा बर्तौला प्रथम बनेकी हुन् । प्रतियोगिता मकवानपुर महिला समूहको सहयोगमा भएको हो ।

यस्तै, प्रतियोगिताको द्धितियमा इरानी थापा र तृतीयमा सन्दीप प्रजा भएका छन् । बिजेता विद्यार्थीलाई विद्यालय व्यवस्थापन समितिका अध्यक्ष माधब गौतम, मकवानपुर महिला समूहकी साबित्री लामिछाने, विद्यालयका प्रधानाध्यापक भानुभक्त आचार्यले संयुक्त रुपमा पुरस्कार प्रद्यान गरेका थिए ।

प्रतियोगिताको निर्णायकमा शिक्षक रामचन्द्र तिमल्सिना, शर्मिला सिग्देल, सपना लामा रहेका थिए ।

विद्यालयका शिक्षक ईश्वर रिजालले सहजीकरण गरेको प्रतियोगितामा कक्षा ८, ९, १० का १३ जना विद्यार्थीले सहभागिता जनाएका थिए ।