स्थापना दिवसमा विविध कार्यक्रमको आयोजना

मकवानपुर । नेपाल समाजवादी पार्टी (नयाँ शक्ति) मकवानपुरले आफ्नो आठौं स्थापना दिवसको अवसरमा विविध कार्यक्रमको आयोजना गरेको छ ।

पार्टीले बुधबार जिल्लाको हेटौंडामा रक्तदान कार्यक्रम र पत्रकार भेटघाट तथा अन्तरक्रिया कार्यक्रमको आयोजना गरेको हो ।

सो पार्टीले बुधबार हेटौंडा–४ स्थित हुप्रचौरमा रहेको जिल्ला पार्टी कार्यालयमा रक्तदान कार्यक्रमको आयोजना गरेको थियो । सो उक्त रक्तदान कार्यक्रममा ३३ जनाले सेवा लिएका थिए । रक्तदान कार्यक्रम पार्टी मकवानपुरका संयोजक रमेश उप्रेती (तेज) को अध्यक्षतामा सम्पन्न भएको हो ।

यस्तै, पार्टीले बुधबार नै हेटौंडामा पत्रकार भेटघाट तथा अन्तरक्रिया कार्यक्रमको आयोजना गरेको गरेको थियो । उक्त कार्यक्रम पार्टी मकवानपुरका संयोजक रमेश उप्रेती (तेज) को अध्यक्षतामा भएको हो ।

पत्रकार भेटघाट तथा अन्तरक्रिया कार्यक्रममा पार्टी मकवानपुर इन्चार्ज इजाहर आलम, पार्टीका नेताहरु हरिहर खतिवडा, सुदिप कार्कीलगायतको सहभागिता रहेको रहेको थियो ।