लियो क्लब अफ पिस थाहानगरको अध्यक्षमा खत्री
तु खबर संवाददाता
मकवानपुर । लायन्स क्लब अफ थाहा पिसको मातृत्वमा गठित लियो क्लब अफ पिस थाहानगरको वर्ष २०२४–२०२५ को लागि अध्यक्ष पदमा शिशिरकुमार खत्री निर्बिरोध निर्वाचित भएका छन् ।
शनिबार थाहा नगरको डाँडाघरे बाको होम स्टे फाँटबजारमा भएको बोर्ड बिस्तार कार्यक्रममा खत्री अध्यक्ष पदमा चयन भएका हुन् ।
निर्वाचन अधिकृत कमल बिष्टका अनुसार, क्लबका प्रथम उपाध्यक्ष पदमा शितल बिष्ट, द्वितीय उपाध्यक्ष पदमा प्रेराणा खत्री चयन भएका छन् ।
क्लबको कार्यसमितिमा अध्यक्ष खत्रीले सचिव पदमा अजय कार्की, कोषाध्यक्ष पदमा बिराज थापा, सहसचिब पदमा नारायण कार्की, सहकोषाध्यक्ष पदमा प्रशुमा बिष्ट, जनसम्पर्क अधिकारी पदमा स्मिता बिष्ट, सचेतक पदमा निशान्त प्रधान, टेमर पदमा सृष्टि गोपालीलाई मनोनीत गरेका छन् ।
त्यस्तै, अध्यक्ष प्रमुख सल्लाहकार पदमा बिनिता वाईबा मनोनीत भएकी छन् ।
अध्यक्ष खत्रीले क्लब सल्लाहकारमा पूर्व अध्यक्षहरु अनित बिष्ट, गणेश बिष्ट, कमल बिष्टलाई मनोनीत गरेका छन् ।
