मकवानपुरको भैंसेबाट गाँजासहित एक जना पक्राउ

मकवानपुर । प्रहरीले मकवानपुरको भीमफेदी गाउँपालिका–२ भैंसे चोकबाट अवैध लागूऔषध गाँजासहित एक जनालाई पक्राउ गरेको छ ।

प्रहरीले आइतबार करिब ४ किलोग्राम लागूऔषध गाँजासहित एक जनालाई पक्राउ गरेको जनाएको छ ।

पक्राउ पर्नेमा भीमफेदी गाउँपालिका–८, इपापन्चकन्या बस्ने ३१ वर्षीय भिम स्याङ्तान रहेका छन् । उनलाई प्रहरी चौकी भैंसेबाट खटिएको प्रहरी टोलीले पक्राउ गरेको हो ।

प्रहरीका अनुसार, भिमफेदीबाट हेटौंडातर्फ आउँदै गरेको ना.४७ प १२२७ नम्बरको मोटरसाइकललाई रोकी चेकजाँच गर्ने क्रममा मोटरसाइकलमा सवार उनको साथबाट सो परिमाणको गाँजा बरामद भएपछि निजलाई पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।