राप्रपा संसदीय दलको बैठक आह्वान
तु खबर संवाददाता२०८१ असार २८,बिहीबार ०९:२४
काठमाडौं । राष्ट्रिय प्रजातन्त्र पार्टी (राप्रपा) को संसदीय दलको बैठक आज बस्ने गरी आह्वान गरिएको छ ।
बैठक आज दिउँसो २ बजे सिंहदरबारमा बस्ने गरी आह्वान गरिएको हो । उक्त बैठकमा पछिल्लो राजनीतिक घटनाक्रमबारे छलफल हुने राप्रपाले जनाएको छ ।
यस्तै, बैठकमा प्रधानमन्त्री पुष्पकमल दाहाल (प्रचण्ड) ले शुक्रबार लिन लागेको विश्वासको मतबारे पनि छलफल हुने जनाइएको छ ।
साथै, संसदमा आगामी दिनमा कसरी प्रस्तुत हुने भन्नेबारेमा रणनीति बनाउने राप्रपाको तयारी रहेको छ ।