पोखरा पहिरोः मृतक सबैको सामूहिक दाह संस्कार

पोखरा । पोखरामा पहिरोमा पुरिएर मृत्यु भएका सबैको सामूहिक दाह संस्कार गरिएको छ ।

अविरल वर्षाका कारण पहिरो जाँदा पोखरा–१९, ठाँटी तल्लोकोटमा मृत्यु भएका सबैको शुक्रबार सामूहिक दाह संस्कार गरिएको हो ।

स्थानीय चिन्तेबौर घाटमा उनीहरूको परम्परा अनुसार अन्तिम संस्कार गरिएको हो । उनीहरूको पोखरा स्वास्थ्य विज्ञान प्रतिष्ठानमा पोस्टमार्टम गरिएको थियो ।

पहिरोमा परेर कास्कीमा ११ जनाको मृत्यु भएको थियो । जसमा पोखरा–१९ पुरनचौरमा एकै परिवारका ७ जना र अन्य ४ जना रहेका छन् ।