ठगी मुद्दामा फरार हेटौंडाका घिमिरे पक्राउ

काठमाडौं । ठगी मुद्दामा फरार मकवानपुरको हेटौंडा उपमहानगरपालिका–५ घर भई ललितपुर महानगरपालिका–१८ भैंसेपाटी बस्ने विपना घिमिरे पक्राउ परेकी छन् ।

३७ वर्षीया घिमिरे बुधबार काठमाडौं कीर्तिपुर नगरपालिका–७ पाँगाबाट पक्राउ परेको प्रहरीले जनाएको छ ।

उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।

प्रहरीका अनुसार, जिल्ला अदालत मकवानपुरबाट २०८१ जेठ ८ गते ठगी मुद्दामा पक्राउ अनुमति जारी भई फरार रहेकी थिइन् ।

पक्राउ परेकी उनलाई आवश्यक अनुसन्धान तथा कारवाहीको लागि जिल्ला प्रहरी कार्यालय मकवानपुर पठाएको जनाइएको छ ।