कांग्रेसले बोलायो केन्द्रीय कार्यसम्पादन समितिको बैठक
तु खबर संवाददाता२०८१ असार ३०,शनिबार ०९:५५
काठमाडौं । नेपाली कांग्रेसको केन्द्रीय कार्यसम्पादन समितिको बैठक बोलाएको छ । कांग्रेसले आज दिउँसो २ बजे पार्टी केन्द्रीय कार्यालय ललितपुरमा बस्ने गरी बैठक बोलाएको हो ।
बैठकमा नयाँ सरकार गठन र समसामयिक विषयमा छलफल हुने पार्टीका मुख्यसचिव कृष्णप्रसाद पौडेलले जानकारी दिए ।
साथै ओली नेतृत्वको सरकारमा पठाउने मन्त्रीहरूबारे पनि आज निर्णय लिने पार्टीको तयारी रहेको जनाइएको छ ।
पार्टीका मुख्यसचिव पौडेलका अनुसार, बैठकमा केन्द्रीय कार्यसम्पादन समितिका पदाधिकारी एवम् सदस्यहरूलाई उपस्थित हुन अनुरोध गरिएको छ ।
