सोमबार कतिमा कारोबार हुँदैछ सुनचाँदी ?

काठमाडौं । नेपाली बजारमा सोमबार सुनचाँदीको भाउ बढेको छ ।

नेपाल सुनचाँदी ब्यवसाय महासंघका अनुसार सोमबार सुनको मूल्यले नयाँ रेकर्ड बनाएको छ । सुन हालसम्मकै उच्च मूल्यमा पुगेको हो ।

आज सुन प्रतितोला २०० रुपैयाँले बढेको छ । भाउ बढेसँगै आज छापावाला सुन प्रतितोला एक लाख ४६ हजार ९०० रुपैयाँ र तेजावी सुन प्रतितोला एक लाख ४६ हजार २०० रुपैयाँमा कारोबार भइरहेको छ ।

यस्तै, आज चाँदी प्रतितोला १० रुपैयाँले बढेको छ । आज चाँदी प्रतितोला एक हजार ८८५ रुपैयाँमा कारोबार भइरहेको जनाइएको छ ।