कविता वाचन र साङ्गीतिक साँझ कार्यक्रम गर्दै साहित्य सङ्गम

मकवानपुर । मकवानपुरको अग्रणी साहित्यिक संस्था साहित्य सङ्गम मकवानपुरले कविता वाचन एवम् साङ्गीतिक साँझ कार्यक्रमको आयोजना गर्ने भएको छ । सङ्गमले ३५ औँ सन्ध्या दिवसको अवसरमा उक्त कार्यक्रम गर्न लागेको हो ।

सङ्गमले स्थापना गरेको अक्षयकोषलाई सहयोगार्थ अगामी भदौ १ गते कार्यक्रम गर्न लागेको संस्थाका अध्यक्ष डीबी बर्तौलाले जानकारी दिए ।

उनका अनुसार, साङ्गीतिक साँझ कार्यक्रममा कवि श्रवण मुकारुङ र स्थानीय गायक अन्जन दाहाल, सुनिता बुर्लाकोटी, रमेश गहतराज र प्रसिद्धि लामिछानेले गायन प्रस्तुती दिनेछन् ।

कार्यक्रम हेटौंडाको क्ल्ब हेटौंडामा हुनेछ । कार्यक्रम प्रवेशको लागि आयोजकले ५ सय रुपैयाँ टिकट दर तोकेको छ ।