पुष्पलाल स्मृति दिवसको अवसरमा रक्तदान कार्यक्रम

मकवानपुर । नेकपा एमाले मकवानपुरले ४६ औं पुष्पलाल स्मृति दिवसको अवसरमा रक्तदान कार्यक्रमको आयोजना गरेको छ ।

नेपाल कम्युनिस्ट पार्टीका संस्थापक महासचिव पुप्पलाल श्रेष्ठको सम्झनामा हेटौंडा–५ स्थित पार्टी कार्यालय परिषरमा रक्तदान कार्यक्रमको आयोजना गरिएको हो ।

रक्तदान कार्यक्रममा ३५ जनाले रक्तदान गरेको पार्टी जिल्ला अध्यक्ष श्रीधर पोखरेलले जानकारी दिए । जिल्लामा बिरामीलाई आवश्यक पर्ने रगतको कमी भएको जानकारी आएलगत्तै रक्तदान कार्यक्रमको आयोजना गरेको उनले बताए ।

यस्तै, रक्तदान कार्यक्रम लगत्तै पुप्पललाल पार्कमा रहेको पुप्पलाल श्रेष्ठको सालिकमा माल्यार्पण गरिएको थियो ।

पार्टी जिल्ला अध्यक्ष श्रिधर पोखरेलको सभाध्यक्षतामा भएको कार्यक्रममा पार्टी केन्द्रिय सदस्य केदार न्यौपानेको प्रमुख अतिथ्यता रहेको थियो ।

कार्यक्रममा केन्द्रिय सदस्यहरु रामेश्वर राना, जुनेली श्रेप्ठ, भारती पाठक लगायत जिल्लाका नेता तथा कार्यकताको सहभागिता रहेको थियो ।