ऊर्जामन्त्री र चिनियाँ राजदूतबिच भेटवार्ता

काठमाडौं । ऊर्जा, जलस्रोत तथा सिँचाइमन्त्री दिपक खड्का र नेपालका लागि चिनियाँ राजदूत छन् सोङबिच आज भेटवार्ता भएको छ ।

उनीहरुबीच ऊर्जामन्त्रीको कार्यकक्ष सिंहदरबारमा भेटवार्ता भएको हो । भेटमा नेपाल–चीन सम्बन्धका विविध पक्षबारे छलफल भएको जनाइएको छ ।

 क्रममा राजदूत सोङले ऊर्जा क्षेत्र नेपालको विकासका लागि महत्वपूर्ण र अपरिहार्य भएको भन्दै यसको विकासका लागि चीनले सहयोग गर्ने प्रतिबद्धता जनाए ।

यस्तै, ऊर्जामन्त्री खड्काले कोरोना महामारीका समयमा बन्द रहेका चीनसँग जोडिएका नाका सञ्चालनमा ल्याउन गरेको सहयोगप्रति धन्यवाद व्यक्त गरे । उनले चीनसँग नेपालले ऋण नभई अनुदान सहयोग चाहेको पनि बताए ।