बाढीले बगाउँदा इखुवा जलविद्युत् आयोजनामा कार्यरत दुई मजदुर बेपत्ता

भोजपुर । मध्यराति आएको वर्षासँगै आएको बाढीले बगाउँदा भोजपुरको इखुवा खोला जलविद्युत आयोजनामा कार्यरत २ जना मजदुर बेपत्ता भएका छन् ।

बाढीमा परेर बर्दियाको बाराबर्दिया गाउँपालिका–३ का २६ वर्षीय श्यामकुमार थारू र सोही ठाउँका ३० वर्षीय रमेश थारू बेपत्ता भएको प्रहरीले जनाएको छ ।

प्रहरीका अनुसार, खोलामा आएको बाढीले ३ जनालाई बगाएको थियो । तीमध्ये एक जनाको भने उद्दार गरिएको छ ।

बाढीमा बगेर घाइते भएका २६ वर्षीय राम किसन थारूको उपचार भइरहेको छ । बेपत्ता उनीहरुको खोजीकार्य भइरहेको जनाइएको छ ।