आज यी स्थानमा भारी वर्षा हुने

काठमाडौं । मौसम पूर्वानुमान महाशाखाले आज देशभर आंशिकदेखि साधारणतया बदली रही विभिन्न प्रदेशमा भारी वर्षा हुने जनाएको छ ।

महाशाखाका अनुसार, आज कोशी, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा भारी वर्षाको सम्भावना रहेको छ ।

यस्तै, कोशी, बागमती, गण्डकी, लुम्बिनी र सुदूरपश्चिम प्रदेशका केही स्थानहरू तथा मधेस र कर्णाली प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको जनाइएको छ ।

ती क्षेत्रमा हुन सक्ने गेग्रान बहाव, बाढी, पहिरो तथा भू–क्षय जस्ता प्रकोपको जोखिम वा क्षतिबाट बच्न महाशाखाको सबैलाई आग्रह गरेको छ ।