सुदूरपश्चिमको मुख्यमन्त्रीमा दाबी पेस गर्ने समय आज सकिँदै

कैलाली । सुदूरपश्चिम प्रदेशको मुख्यमन्त्री पदमा दाबी पेस गर्ने समय आज सकिँदैछ ।

प्रदेश प्रमुख नजिर मियाँले गत शुक्रबार प्रदेशको मुख्यमन्त्रीमा दाबी पेश गर्न आह्वान गरेको समय आज सकिने भएको हो ।

शुक्रबार सुदूरपश्चिमका मुख्यमन्त्री दीर्घ सोडारीले राजीनामा पत्र बुझाएपछि प्रदेश प्रमुख मियाँले आज (आइतबार) बेलुका ५ः०० बजेभित्र मुख्यमन्त्रीमा दाबी पेस गर्न आह्वान गरेका थिए ।

नेपालको संविधानको धारा १६८ को उपधारा (२) बमोजिम प्रदेश सभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रदेश सभाको सदस्यलाई मुख्यमन्त्री पदमा नियुक्त गर्नका लागि दाबी पेस गर्न आह्वान गरिएको हो ।