पहिरोमा परेर बाजुराका चार जना घाइते

बाजुरा । अविरल वर्षाका कारण पहिरो जाँदा बाजुराका चार जना घाइते भएका छन् ।

जिल्लाको पुर्वी उत्तरी भेगको हिमाली गाउँपालिका–३ बौडीस्थित गोरु खर्कमा शनिबार बिहान पहिरो जाँदा चार जना घाइते भएको प्रहरीले जनाएको छ ।

घाइते हुनेहरुमा स्थानीय प्रेमकला बुढा, ललिता बुढा, अगौठी रोकाया र हंस बुढा रहेका छन् । स्थानीयको सहयोगमा घाइतेको उद्धार गरिएको जनाइएको छ ।

पहिरोबाट प्रभावित भएका पीडितको उद्धारका लागि प्रहरीको टोली घटनास्थलतर्फ गइसकेको र घटनाको बारेमा आवश्यक अनुसन्धान गरिरहेको प्रहरीले जनाएको छ ।