माओवादी केन्द्र स्थायी कमिटी बैठक ११ बजे बस्ने
तु खबर संवाददाता२०८१ श्रावण ३१,बिहीबार ०९:१७
काठमाडौं । नेकपा माओवादी केन्द्रको स्थायी कमिटी बैठक आज बस्ने भएको छ ।
बैठक आज बिहान ११ बजे पार्टी केन्द्रीय कार्यालय पेरिसडाँडामा बस्ने गरी बोलाइएको हो ।
उक्त बैठकमा केन्द्रीय कमिटी सदस्यहरूले उठाएका प्रश्नको जवाफ अध्यक्ष पुष्पकमल दाहालले दिने कार्यक्रम रहेको जनाइएको छ ।
माओवादी स्थायी कमिटी बैठक गत शुक्रबारदेखि जारी छ । बैठकमा नेतृत्वको विकल्प, विचार संश्लेषण, पार्टी निर्माण लगायत विषयमा नेताहरूले खुलेर बहस गरिरहेका छन् ।