राष्ट्रिय सभामा टीआरसी विधेयक टेबल
तु खबर संवाददाता२०८१ श्रावण ३१,बिहीबार १६:०८
काठमाडौं । ‘बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ लाई संशोधन गर्न बनेको विधेयक’ (टीआरसी) राष्ट्रिय सभामा टेबल भएको छ ।
प्रतिनिधि सभाले पारित गरेको उक्त टीआरसी विधेयक बिहीबार बसेको राष्ट्रिय सभामा टेबल भएको हो ।
बैठकमा उक्त विधेयक राष्ट्रिय सभाका सचिव डा.सुरेन्द्र अर्यालले प्रतिनिधि सभाबाट प्राप्त सन्देशसहित सभासमक्ष टेबल गरेका हुन् ।
सो विधेयक राष्ट्रिय सभाबाट पारित भएपछि राष्ट्रपतिबाट प्रमाणीकरण भएसँगै राजपत्रमा प्रकाशित हुनेछ ।
राष्ट्रिय सभाको अर्को बैठक आगामी भदौ ३ गते बस्ने गरी आजको बैठक स्थगित गरिएको छ ।