एकीकृत समाजवादीको केन्द्रीय समिति बैठक आह्वान
तु खबर संवाददाता२०८१ श्रावण ३२,शुक्रबार १६:३४
काठमाडौं । नेकपा एकीकृत समाजवादी पार्टीको केन्द्रीय कमिटी बैठक आह्वान गरिएको छ ।
बैठक आगामी भदौ ९, १० र ११ गते बस्ने गरी आह्वान गरिएको पार्टीका महासचिव घनश्याम भुसालले जानकारी दिए ।
उनका अनुसार, बैठकमा केन्द्रीय कमिटी सदस्यहरूको शपथ ग्रहण, केन्द्रीय संरचनाहरूको निर्माण र विविध गरी तीन वटा एजेण्डामाथि छलफल हुनेछ ।
सो पार्टीको गत असारमा सम्पन्न १० औँ राष्ट्रिय महाधिवेशनले साउनमा ३४४ सदस्यीय केन्द्रीय कमिटी निर्माण गरेको थियो ।