अर्घाखाँचीमा पहिरोले गोठ पुरिंदा थापाको मृत्यु

बुटवल । अर्घाखाँचीमा पहिरोले गोठ पुरिंदा मंगलबार बिहान एक जनाको मृत्यु भएको छ ।

अविरल वर्षापछि शितगंगा नगरपालिका–१३, सिमलपानीमा पक्की पिल्लरसहित २ तले गोठ माथिबाट पहिरो खसेको थियो ।

उक्त पहिरोले पुरिंदा स्थानीय ३५ वर्षीय बिष्णु थापाको मृत्यु भएको जिल्ला प्रहरी कार्यालय अर्घाखाँचीले जनाएको छ ।

प्रहरीका अनुसार, पहिरो खस्न थालेपछि पशुचौपायालाई गोठबाट बाहिर निकाल्न गएका थापाको पहिरोले पुरिँदा घटनास्थलमै मृत्यु भएको हो ।

पहिरोले गोठमा रहेको एउटा पाडो र दुई वटा बाख्रा समेत च्यापिएर मरेको प्रहरीको भनाई छ ।

उक्त गोठ पक्की पिल्लरसहित २ तले थियो ।