हेटौंडामा एक पुरुषको शव भेटियो

मकवानपुर । मकवानपुरको राप्ती नदीको बगरमा एक पुरुषको शव भेटिएको छ ।

हेटौंडा उपमहानगरपालिका वडा नं. ११ थानाभर्याङस्थित सुकुम्बासी टोल नजिकै राप्ती नदीको बगरमा मंगलबार एक पुरुषको शव भेटिएको हो ।

उक्त शव अन्दाजी ३५ वर्षीय पुरुषको रहेको र हाल सनाखत हुन नसकेको बागमती प्रदेश प्रहरी कार्यालय हेटौंडाले जानएको छ ।

प्रहरीका अनुसार, उक्त शव बाढीले बगाएर ल्याएको हुनसक्ने अनुमान गरिएको छ । मृतक पुरुषको शव पोष्टमार्टमका लागि हेटौंडा अस्पतालमा लागिएको र घटनाको बारेमा प्रहरीले आवश्यक अनुसन्धान प्रकृया अगाडि बढाएको छ ।