आज राष्ट्रिय सभा बैठक बस्दै
तु खबर संवाददाता२०८१ भाद्र ६,बिहीबार ०९:५१
काठमाडौं । आज राष्ट्रिय सभाको बैठक बस्दैछ । बैठक संघीय संसद् भवन नयाँ बानेश्वरमा बस्ने भएको हो ।
दिउँसो सवा १ बजे बैठक सुरु हुने बैठकमा कानुन, न्याय तथा संसदीय मामिलामन्त्री अजयकुमार चौरसियाले नेपाल कानुन व्यवसायी परिषद् (दोस्रो संशोधन) विधेयक, २०८१ प्रस्तुत गर्ने कार्यसूची संसद् सचिवालयले जनाएको छ ।
यस्तै, बैठकमा मन्त्री चौरसियाले प्रतिनिधि सभाबाट सन्देशसहित प्राप्त बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग (तेस्रो संशोधन) विधेयक, २०७९ दफावार छलफलका लागि प्रस्तुत गर्दै पारितका लागि प्रस्ताव गर्ने सम्भावित कार्यसूची रहेको जनाइएको छ ।