घट्यो सुनचाँदीको भाउ

काठमाडौं । नेपाली बजारमा बिहीबार सुनचाँदीको भाउ घटेको नेपाल सुन–चाँदी व्यवसायी महासंघले जनाएको छ ।

महासंघका अनुसार, आज सुनको भाउ प्रतितोला एक हजार एक सय रुपैयाँ र चाँदीको भाउ प्रतितोला ५ रुपैयाँले घटेको हो ।

भाउ घटेसँगै आज छापावाल सुन प्रतितोला १ लाख ५१ हजार ९ सय रुपैयाँ कायम भएको छ । यसअघि बुधबार छापावाल सुन तोलाको १ लाख ५३ हजार रुपैयाँ कायम भएको थियो ।

यस्तै, आज चाँदी प्रतितोला १ हजार ८ सय ३० रुपैयाँमा कारोबार भएको छ । अघिल्लो दिन चाँदी प्रतितोला १ हजार ८ सय ३५ रुपैयाँमा कारोबार भएको थियो ।