आजबाट आत्मनिर्भर नेपाल अभियान सुरु गर्दै रास्वपा

काठमाडौं । राष्ट्रिय स्वतन्त्र पार्टी (रास्वपा) ले आजबाट ‘आत्मनिर्भर नेपाल अभियान’ सुरु गर्ने भएको छ ।

अभियानको आज पहिलो दिन दिउँसो १ बजे बनस्थलीस्थित पार्टी केन्द्रीय कार्यालयमा एक कार्यक्रमबीच प्रारम्भ हुने जनाइएको छ ।

रास्वपाले ‘अबको राजनीति आर्थिक समृद्धिका लागि’ भन्दै अभियान सुरु गर्न लागेको जानकारी दिएको छ ।

रास्वपाका अनुसार, यो अभियानका क्रममा नेपाली उत्पादनहरुको प्रवद्र्धन गर्दै स्टल प्रदर्शनीसहित विभिन्न विषयमा नीति मन्थन गर्नेछ ।
अभियानका क्रममा महावीर पुन नेतृत्वको राष्ट्रिय आविष्कार केन्द्रका उत्पानदेखि नेपालमा बनेका सामाग्री, जुत्ता, कपडा, हस्तकलाका उत्पादनसम्म प्रदर्शनीमा राखिनेछ ।

पार्टीले प्रदेश तहमा समेत ‘आत्मनिर्भर नेपाल अभियान’ संचालन गर्ने कार्यतालिका रहेको छ ।