रामेछापमा पहिरोले घर बगाउँदा दुई जनाको मृत्यु

रामेछाप । रामेछापको शैलुङ्ग गाउँपालिका–३ लेखर्क पहरीगाउँमा गएराति पहिरोले घर बगाउँदा दुई जनाको मृत्यु भएको छ ।

पहिरोले ३ वटा घर बगाउँदा २ जनाको मृत्यु भएको जिल्ला प्रहरी कार्यालय रामेछापले जनाएको छ ।

उक्त घटनाबारे थाहा पाए लगतै टोकरपुर र दोरम्बाबाट प्रहरीको टोली घटनास्थल प्रस्थान गरेको थियो । तर, बाटोमा पर्ने अँधेरी खोलाको पुल पनि भत्किएकाले प्रहरीहरु घटनास्थल पुग्न ढिलो भएको जनाइएको छ ।

प्रहरीका अनुसार, पहिरोमा परेर केही व्यक्ति बेपत्ता छन् । उनीहरुको खोजीकार्य जारी रहेको छ ।घटनास्थलबाट विस्तृत विवरण आउन बाँकी रहेको जनाइएको छ ।