साफ यु–२० च्याम्पियनसिपः नेपाल फाइनलमा

काठमाडौं । नेपाल २० वर्षभन्दा कम उमेर समूहको साफ च्याम्पियनसिप प्रतियोगिताको फाइनलमा प्रवेश गरेको छ ।

आइतबारको खेलमा भुटानलाई पराजित गर्दै नेपालले फाइनलमा आफ्नो स्थान बनाएको हो ।

लतिपुरको सातदोबाटोमा रहेको एन्फा कम्प्लेक्सको मैदानमा सम्पन्न सेमिफाइनल खेलमा नेपालले भुटानलाई पेनाल्टी शुटआउटमा ४–१ ले पराजित गरेको हो ।

निर्धारित ९० मिनेटको समयमा १–१ गोलको बराबरी बनाएपछि खेल पेनाल्टी शुटआउटमा पुगेको हो ।

उक्त प्रतियोगिताको दोस्रो सेमिफाइनलमा सोमबार हुँदैछ । उक्त प्रतियोगितामा भारत र बङ्गलादेशबीच प्रतिस्पर्धा हुनेछ ।

फाइनल खेल भने आगामी बुधबार त्रिपुरेश्वरको दशरथ रङ्गशालामा हुने जनाइएको छ ।