सुमोको ठक्करबाट मोटरसाइकल चालकसहित दुई जनाको मृत्यु

रौतहट । रौतहटको चन्द्रनिगाहपुरमा सोमबार टाटा सुमोको ठक्करबाट मोटरसाइकल चालकसहित दुई जनाको मृत्यु भएको छ ।

सोमबार दिउँसो पश्चिमबाट पूर्वतर्फ जाँदै गरेको बाग्मती प्रदेश ०३–००१ च ५३१ नम्बरको यात्रुवाहक टाटा सुमोले विपरित दिँदातर्फ आउँदै आएको प्रदेश १–०२–०४३ प ८०२५ नम्बरको मोटरसाइकललाई ठक्कर दिँदा दुई जनाको मृत्यु भएको हो ।

मृत्यु हुनेहरुमा मोटरसाइकलमा सवार सुनसरीको धरान उपमहानगरपालिका–१५ का ३३ वर्षीय तुलसी ओझा र मोरङको सुन्दरहरैचा नगरपालिका–११ का विवश सापकोटा रहेको इलाका प्रहरी कार्यालय चन्द्रनिगाहपुरले जनाएको छ ।

प्रहरीका अनुसार, सुमोको ठक्करबाट दुबै जना गम्भीर घाइते भएका थिए । गम्भीर घाईते दुवै जनालाई उपचारको लागि स्थानीय सिभिल अस्पतालमा उपचारका लागि लगिएकोमा डाक्टरले मृत घोषणा गरेको हो ।

टाटा सुमोलाई इलाका प्रहरी कार्यालय चन्द्रिगाहपुरले नियन्त्रणमा लिई घटनाको बारेमा आवश्यक अनुसन्धान गरिरहेको छ ।