चुच्चेखोला सामुदायिक वनको आयोजना वृक्षारोपण तथा तीज विशेष कार्यक्रम

मकवानपुर । हेटौंडा उपमहानगरपालिका वडा नम्बर ६, स्थित चुच्चेखोला सामुदायिक वन उपभोक्ता समूहको आयोजनामा वृक्षारोपण तथा तीज विशेष कार्यक्रम सम्पन्न भएके छ ।

कार्यक्रम हेटौंडा बहुआयामिक आयआर्जन विपन्न वर्ग महिला उप–समिति हेटौंडा–१७ को सहआयोजना तथा सहयोगी निकाय जेड.एस.एल, डब्लू.आर.आर.एल र युएनडिपिको सहयोगमा भएको हो ।

कार्यक्रम समूहका अध्यक्ष लक्ष्मण कटुवालको सभाध्यक्षता एवम् बागमती प्रदेश सभा सदस्य भारती पाठक प्रमुख आतिथ्यतामा सम्पन्न भएको हो ।

कार्यक्रममा डिभिजन वन कार्यालय मकवानपुरको सहयोगमा विजयसाल, सतिसाल, चिउरी, रिठ्ठा, वेल, हर्रो, बर्रो, अमला, टिक लगायतका १ हजार ७ सय ५० वटा बिरुवा रोपण गरिएको थियो ।

कार्यक्रममा डिभिजन वन कार्यालयका वन अधिकृत राकेश प्रसाद चन्द्रवंशी, जेडएसएलका प्रतिक सदौला, सामुदायिक वन उपभोक्ता महासंघ मकवानपुर अध्यक्ष साधुराम चौलागाई लगायतकाले शुभकामना मन्तव्य व्यक्त गरेका थिए ।