संयुक्त राष्ट्रसंघको महासभामा सहभागी हुन प्रधानमन्त्री असोज ४ गते अमेरिका आउने

न्यूयोर्क । नेपालका प्रधानमन्त्री केपी शर्मा ओली असोज ४ गते (सेप्टेम्बर २०) मा अमेरिका आउने भएका छन् । संयुक्त राष्ट्रसंघको महासभामा सहभागी हुन प्रधानमन्त्रीसहित भ्रमण दलका सदस्यहरु न्यूयोर्क आउन लागेका हुन् ।

बिहीबार बसेको प्रधानमन्त्री तथा मन्त्रीपरिषद्को बैठकले प्रधानमन्त्रीको भ्रमण तालिका अनुमोदन गर्दै प्रतिनिधिमण्डल गठन गर्ने निर्णय गरेको हो ।

संयुक्त राष्ट्रसंघको ७९ औँ महासभामा सहभागी हुन अब प्रधानमन्त्रीले प्रतिनिधि मण्डल बनाउने छन् ।

त्यसैगरी, मन्त्रिपरिषद् बैठकले श्रम तथा सामाजिक सुरक्षामन्त्री शरदसिंह भण्डारीको जापान भ्रमण पनि स्वीकृत गरेको छ । टोकियोमा आयोजना हुने जापान नेपाल रोजगार सम्मेलनमा भाग लिन मन्त्री भण्डारीको भ्रमण स्वीकृत भएको हो ।