वडास्तरीय टी–२० क्रिकेटमा आज तीन खेल सम्पन्न

मकवानपुर । मकवानपुरको हेटौंडा उपमहानगरपालिका वडा नम्वर ८ कमानेमा जारी वडास्तरीय टी–२० क्रिकेट प्रतियोगिता अन्तरगत आज तीन खेल भएको छ ।

सोमबार हेटौंडा–८,स्थित चन्द्रोदय माध्यमिक विद्यालयको चौरमा सम्पन्न पहिलो खेलमा हेटौंडा–१८ लाई ४ विकेटले पराजित गर्दै हेटौंडा–८ ले विजयी सुरुवात गरेको हो ।

यस्तै, सोमबार नै सम्पनन दोस्रो खेलमा हेटौंडा–२ विजयी भएको छ । हेटौंडा–२ ले हेटौंडा–९ लाई ५ विकेटले पराजित गरेको हो ।

यसैगरी, सोमबार नै भएको तेस्रो खेलमा हेटौंडा–१६ विजयी भएको छ । हेटौंडा–८ बी लाई ४ रनले हराउँदै हेटौंडा–१६ विजयी भएको हो ।

प्रतियोगिता नेकपा एमाले हेटौंडा–८ नम्बर वडा कमिटीको सहयोग तथा नेपाल खेलकुद महासंंघ वडा कमिटीको आयोजनामा संचालन भएको हो । धर्मराज पुडासैनीको संयजकत्वमा प्रतियोगितामा १९ टिमहरुको सहभागिता रहेको छ ।

उक्त प्रतियोगिताको विजेता र उपविजेता टिमले क्रमशः ५० हजार रुपैयाँ र २५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् ।

यस्तै, उत्कृष्ट मार्चपास गर्ने टिमहरुका लागि पनि पुरस्कारको व्यवस्था गरिएको छ । साथै लामो सयमदेखि खेलक्षेत्रमा योग्दान पुर्याउने व्यक्तिलाई सम्मान गरिने आयोजकले जनाएको छ ।