हत्या गरेको अभियोगमा पक्राउ

बर्दिया । बर्दियाको बारबर्दिया नगरपालिका–५ तर्कापुर बस्ने ३९ वर्षीया मिना थारूको हत्या गरेको अभियोग गएराति एक जना पक्राउ परेका छन् ।

पक्राउ पर्नेमा सोही नगरपालिका–११ जब्दी बस्ने ४० वर्षीय पप्पु भन्ने शिव चौधरी रहेको जिल्ला प्रहरी कार्यालय बर्दियाले जनाएको छ ।

प्रहरीका अनुसार, शिवले धारिलो हतियार प्रहार गर्दा मीना गम्भीर घाइते भएका थिए । गम्भीर घाइते भएकी मिनाको नगर अस्पताल जयनगरमा उपचारको क्रममा मृत्यु भएको हो ।

शिवलाई जिल्ला प्रहरी कार्यालय बर्दिया समेतबाट खटिएको प्रहरीले बारबर्दिया नगरपालिका–५ सिटिबरेलीबाट पक्राउ गरेको हो ।

पक्राउ परेका उनीमाथि प्रहरीले आवश्यक अनुसन्धान गरिरहेको छ ।