नमूना प्रगति सहकारीको २४ औँ वार्षिक साधारणसभा सम्पन्न

मकवानपुर । हेटौंडा–२ स्थित नमूना प्रगति बचत तथा ऋण सहकारी संस्थाको २४ औँ वार्षिक साधारणसभा सम्पन्न भएको छ ।

बिहीबार संस्थाका अध्यक्ष मिठाराम दाहालको अध्यक्षता एवम् बागमती प्रदेशका पूर्व मुख्यमन्त्री डोरमणि पौडेलको प्रमुख आतिथ्यतामा साधारणसभा सम्पन्न भएको हो ।

सहकारी संस्थाले गत आर्थिक बर्ष २०८०/०८१ मा ४२ करोड ४ लाख ५६ हजार ८९४ रुपैयाँको कुल कारोबार गरेको र चालु आर्थिक बर्षमा ४८ करोड बराबरको कारेबार गर्ने लक्ष्य रहेको संस्थाका व्यवस्थापक बद्रीप्रसाद भण्डारीले बताए ।

२ हजार ५ सय ९२ जना सदस्य रहेको संस्थामा २ करोड ८५ लाख ६३ हजार दुई सय रुपैंया शेयरपुजीँ रहेको र सहकारी संस्थाले आफ्ना सदस्यहरुलाई २९ करोड ९० लाख ४ हजार ५२२ रुपैयाँ कर्जा लगानी गरेको संस्थाका ऋण प्रमुख लेखनाथ लम्सालले बताए ।

लम्सालले सहकारीमा ३२ करोड ८२ लाख ४५ हजार ४०४ रुपैयाँ बचत निक्षेप रहनुका साथै जगेडा कोषमा ३ करोड २९ लाख ७४ हजार ४२९ रकम रहेको बताए ।

साधारण सभाको अवसरमा सहकारीले विभिन्न विधामा सदस्यलाई सम्मान तथा पुरस्कृत गरेको थियो ।

पुरस्कृत हुनेहरुमा जेष्ठ सदस्यतर्फ हरिप्रसाद सिग्देल र गोमादेवी भण्डारी, उत्कृष्ट बचतकर्तातर्फ मीनबहादुर प्रधान, प्रतिभा लम्साललाई सम्मान गरिएको थियो ।

त्यस्तै, उत्कृष्ट ऋणी (धितो सुरक्षण) चिन्तालक्ष्मी अधिकारी, शर्मिला थापा, विष्णुप्रसाद पराजुली र वीरबहादुर न्यासुर, उत्कृष्ट व्यवसायी (पशुपालन) तर्फ सीताराम तिमल्सिना र उत्कृष्ट बाल बचतकर्तातर्फ अनुष्मा रिमाल र श्रृयाश्री खतिवडालाई सम्मान गरिएको थियो ।

त्यस्तै, सहकारीले २०८० सालको एसईइ परीक्षामा उत्कृष्ट नतिजा ल्याउने सामुदायिक विद्यालयतर्फका प्रसन्न चौलागाई, निजी विद्यालयतर्फका स्पन्दन दाहाल, प्रतिष्ठा कार्कीलाई र प्लस टु परीक्षामा उत्कृष्ट हुने निश्चित घिमिरे र पूर्णिमा सञ्जेललाई नगद सहित पुरस्कृत गरिएको थियो ।

यसैगरी, स्नातकतर्फ सुस्मिता तिमल्सिना, आदर्श लामिछाने, विपना चौलागाई, प्रमिसा पौडेल, प्रमिस पौडेललाई र स्नातकोत्तरतर्फका आश्मा शर्मा पौडेललाई नगदसहित पुरस्कृत गरिएको थियो ।

त्यस्तै, सहकारी संस्था ऋण प्रमुख लेखनाथ लम्साललाई उत्कृष्ट कर्मचारीको रुपमा कदरपत्रसहित सम्मान गरिएको थियो भने पत्रकारितामार्फत् सहकारी क्षेत्रको विकासमा योगदान पुर्याएबापत समृद्ध समाज दैनिकका प्रधान सम्पादक सुरेश श्रेष्ठलाई पनि नगदसहित सम्मान गरिएको थियो ।

कार्यक्रममा संस्थाका उपाध्यक्ष तथा बागमती प्रदेश सभा सदस्य एकालाल श्रेष्ठ, राष्ट्रिय सहकारी महासंघका सञ्चालक बद्रीप्र्रसाद लम्साल, बागमती प्रदेश सहकारी विकास वोर्डका उपाध्यक्ष नारायणप्रसाद देवकोटा, केन्द्रीय दुग्ध उत्पादक सहकारी संघका सञ्चालक विदुर हुमागाई, मकवानपुर जिल्ला दुग्ध उत्पादक सहकारी संघका अध्यक्ष हरिप्रसाद कडेल, मकवानपुर जिल्ला बहुउद्देश्यीय सहकारी संघका अध्यक्ष रामहरि न्यौपाने, जिल्ला बचत तथा ऋण सहकारी संघ मकवानपुरकी उपाध्यक्ष मीनाकुमारी चौरेल, हेटौंडा उपमहानगरका उद्योग, पर्यटन तथा सहकारी शाखा प्रमुख हिमप्रसाद पौडेल, राष्ट्रिय सहकारी बैंकका बागमती प्रदेश प्रमुख रामेश्वर अर्याल लगायतको आतिथ्यता रहेको थियो ।

साधारणसभाले संस्थाका अध्यक्ष मिठाराम दाहालले प्रस्तुत गरेको वार्षिक प्रतिवेदनसहितको भाबी नीति तथा कार्यक्रमका साथै कोषाध्यक्ष केशव प्रसाद देवकोटाले प्रस्तुत गरेको गत आर्थिक वर्षको बित्तिय विवरण र चालु आर्थिक वर्षको लागि अनुमानित बजेट अनुमोदन गरेको छ ।

सहकारी संस्थाले हेटौंडा–२ मा रहेको मूख्य कार्यालय र हेटौंडा–१७ मा रहेको सदस्य सेवा केन्द्रमार्फत् सदस्यहरुलाई सेवा प्रदान गर्देै आईरहेको छ । संस्थामा हाल ६ जना कर्मचारी कार्यरत छन् ।