प्रधानमन्त्री ओली आज अमेरिका प्रस्थान गर्दै
तु खबर संवाददाता२०८१ आश्विन ४,शुक्रबार ०९:००
काठमाडौं । प्रधानमन्त्री केपी शर्मा ओली आज अमेरिका प्रस्थान गर्दैछन् । संयुक्त राष्ट्रसंघको महासभामा सहभागी हुन उनी आज अमेरिकाको न्यूयोर्क प्रस्थान गर्न लागेका हुन् ।
उनी आज बिहान साढे १० बजे नेपाली प्रतिनिधिमण्डलको नेतृत्व गर्दै अमेरिका जान लागेका हुन् ।
प्रधानमन्त्री ओलीका साथमा उनकी पत्नी राधिका शाक्य, परराष्ट्रमन्त्री डा. आरजु राणा देउवा, प्रधानमन्त्रीका प्रमुख सल्लाहकार विष्णु रिमाल, परराष्ट्र सचिव सेवा लम्साल र नेपाल सरकारका वरिष्ठ अधिकारीहरू पनि त्यसतर्फ जानेछन् ।
अमेरिका भ्रमण क्रममा प्रधानमन्त्री ओलीले विभिन्न कार्यक्रमलाई सम्बोधन गर्ने जनाइएको छ ।
प्रधानमन्त्री ओली असोज १४ गते स्वदेश फर्कने कार्यसूची रहेको छ ।