घटस्थापनादेखि पूर्णिमासम्म नेपालभर रुट परमिट खुला हुने

काठमाडौं । यही असोज १७ गते घटस्थापनादेखि पूर्णिमाको दिनसम्म रुट परमिट खुला हुने भएको छ ।

दसैँ, तिहार र छठ पर्वमने अवसरमा यात्रुहरूको यात्रालाई सहज र सुरक्षित बनाउनका लागि रुट परमिट खुला गर्न लागेको यातायात व्यवस्था विभागका निर्देशक एवम् प्रवक्ता ईश्वरी दत्त पनेरुले बताए ।

रुट परमिट खुला गर्ने निर्णय भएपनि यदि कुनै बाटोको विशेष प्रकृतिका कारण सो बाटोमा चल्न निषेध गरिएका आकार–प्रकारका सार्वजनिक सवारीलाई भने सो बन्देज कायमै रहने उनले बताए ।