मकवानपुरमा डेंगु सक्रमितको संख्या ६४५ पुग्यो
तु खबर संवाददाता२०८१ आश्विन ९,बुधबार १७:४४
मकवानपुर । मकवानपुर जिल्लामा डेंगु संक्रमितको संख्या ६ सय ४५ पुगेको छ ।
जिल्लाको १० स्थानीय तहमा गरी डेंगु संक्रमितको कुल संख्या ६ सय ४५ पुगेको जनस्वास्थ्य कार्यालय मकवानपुरले जनाएको छ ।
जनस्वास्थ्य कार्यालयका अनुसार, डेंगु संक्रमण पुष्टि हुनेमा ३०७ जना महिला र ३३८ जना पुरुष रहेका छन् ।
सो अवधिमा कुन स्थानीय तहमा कति भेटिए डेंगुका बिरामी ?
- हेटौंडा उपमहानगरपालिकामा २५८ पुरुष र २४७ महिला गरी ५०५ जना
- थाहा नगरपालिकामा ३ पुरुष र २ महिला गरी ५ जना
- मकवानपुरगढी गाउँपालिकामा १५ पुरुष र ९ महिला गरी २४ जना
- बागमती गाउँपालिकामा एक जना पुरुष
- कैलाश गाउँपालिकामा ४ पुरुष
मनहरी गाउँपालिकामा २० पुरुष र १६ महिला गरी ३६ जना - भीमफेदी गाउँपालिकामा ४ पुरुष र ८ जना महिला गरी १२ जना
- बकैया गाउँपालिकामा ६ पुरुष र ५ महिला गरी ११ जना
- राक्सिराङ गाउँपालिकामा एक पुरुष
- हाल ठेगाना नखुलेका १२ पुरुष र १४ महिला गरी २६ जना
- अन्य जिल्लाका १३ पुरुष र ५ महिला १८ जनामा डेंगु संक्रमण पुष्टि भएको छ ।