पहिरोका कारण भैंसे–भीमफेदी सडकमा यातायात अवरुद्ध

मकवानपुर । पहिरोका कारण मकवानपुरको भैंसे–भीमफेदी सडकखण्डमा यातायात अवरुद्ध भएको छ ।

आज बिहान पौने १० बजेको समयमा भीमफेदी गाउँपालिका वडा नम्वर ४, स्थित रातोमाटेमा माथिबाट खसेको ठूलो पहिरोका कारण उक्त सडकखण्डमा यातायात अवरुद्ध भएको भीमफेदी गाउँपालिकाका उपाध्यक्ष सञ्जिव श्रेष्ठले तु खबरलाई जानकारी दिए ।

उनका अनुसार, पहिरोका कारण हेटौंडाबाट भैंसे हुँदै भीमफेदी जाने र भीमफेदीबाट हेटौंडातर्फ आउने सवारी साधनहरु जाममा परेका छन् ।

उपाध्यक्ष श्रेष्ठले उक्त पहिरो पन्छाउने कार्य भइरहेको बताउँदै सम्भवतः यातायात संचालन भने भोलि (मंगलबार) बाट मात्रै हुने बताए । उनले भने, ‘यहाँ म आफै बसेर पहिरो पन्छाउने कार्यलाई अगाडि बढाएका छौं । तर, ठूलो पहिरो खसेका कारण सम्भवतः सवारीसाधन भने भोलिबाट मात्रै संचालन आउँनेछ ।’

उक्त स्थानमा यसअघि पनि पटक–पटक पहिरो जाने गरेको थियो । यसअघि असोज १० गतेदेखि १२ गतेसम्म आएको वर्षासँगै खसेको पहिरो आइतबार मात्रै पन्छाएर यातायात संचालनमा ल्याएको थियो ।